دەرچوون 1:1-7

Kurdi Sorani Standard

چەوساندنەوەی نەوەی ئیسرائیل

1 ئەمانە ناوی کوڕەکانی ئیسرائیلن کە لەگەڵ یاقوب چوونە میسر، هەریەک لەگەڵ خێزانەکەی: ² ڕەئوبێن، شیمۆن، لێڤی و یەهودا، ³ یەساخار، زەبولون و بنیامین، ⁴ دان و نەفتالی، گاد و ئاشێر. ⁵ هەموو وەچەکانی یاقوب حەفتا^[a] کەس بوون، بێجگە لە یوسف کە لە میسر بوو.

⁶ یوسف و هەموو براکانی و هەموو ئەو نەوەیە مردن، ⁷ بەڵام نەوەی ئیسرائیل بەردار بوون، زۆر زیاد بوون و زۆر و توانادارتر بوون، خاکەکە پڕ بوو لەوان.